Digitisation Programme Clár Digitithe

Conradh na Gaeilge

Lena chois sin déanfar digitiú ar rogha ábhar maidir le 1916 ó chartlann Chonradh na Gaeilge, lena n-áirítear an nuachtán náisiúnach, An Claidheamh Soluis, agus cuirfear ar fáil ar líne é. Ina theannta sin, eagrófar taispeántas soghluaiste ina leith ag tosú i bhfómhar 2015.

Scoil na Gaeilge, an Coláiste Ollscoile, Baile Átha Cliath

Eagrófar taispeántas sa Choláiste Ollscoile, Baile Átha Cliath in Earrach 2016 maidir le Dubhghlas de hÍde, céad Uachtarán na hÉireann, ar tugadh ‘An Craoibhín Aoibhinn' air. Cuirfear dialanna agus saothair eile de chuid Dhubhghlais de hÍde ar fáil ar shuíomh idirlín ar leith i gcomhpháirt le Conradh na Gaeilge. Tionólfar comhdháil idirnáisiúnta dar teideal Torthaí na Réabhlóide i gcomhpháirt le Músaem an Phiarsaigh agus institiúidí eile oideachais in Éirinn, Stáit Aontaithe Mheiriceá agus i gCeanada.

Cnuasach Bhéaloideas Éireann, an Coláiste Ollscoile, Baile Átha Cliath agus Fiontar, Ollscoil Chathair Bhaile Átha Cliath

Déanfar ábhar Gaeilge ó Bhailiúchán na Scol, a tiomsaíodh ó 5,000 scoil sna 1930í ar fud na tíre, a dhigitiú agus a chur ar fáil don phobal ar an suíomh idirlín www.duchas.ie.